काक्रेबिहार

सुर्खेत उपत्यकाको दक्षिणी भेगमा अवस्थित काक्रेबिहार बि.स. १३२५ मा सिंजा (हाल जुम्ला) राज्यका राजा अशोक चल्लले निर्माण गरेका हुन् । यो बिहार हिन्दु तथा बौद्ध धर्मावलम्बी हरुको लागि पवित्र स्थलको रुपमा लिईन्छ । बि. स. १८९० को ठुलो भुइँचालोको कारणले यो बिहार भत्केको बुझिन्छ ।

(Photo: Panch Dev Bhatta)

शे-फोक्सुण्डो ताल

कान्जिरोवा हिमालको काखमा अवस्थित, समुद्री सतहभन्दा करिब ३९०० मिटरको उचाइमा रहेको यस फोक्सुण्डो ताल लाई शे-फोकसुण्डो तालको नामले पनि चिनिन्छ । यो ताल डोल्पा जिल्ला स्थित शे-फोक्सुण्डो राष्ट्रिय निकुञ्ज भित्र अवस्थित हिमाली सफापानीको ताल हो । यो ताल नेपालको सबभन्दा गहिरो र ठुलो ताल हो जसको लम्वाइ ४.८ कि.मी., चौडाइ १.६ कि.मी. र गहिराई ६५० मीटर रहेको छ ।

स्यार्फु ताल

रुकुमको सदरमुकाम मुसिकोट देखि २ घण्टा ३० मिनेटको दुरीमा रहेको उत्तर बांफीकोट गाउँपालिका मा अवश्थित स्यार्पु ताल धार्मिक, पर्यटकीय तथा ऐतिहासिक दृष्टिकोणले महत्वपूर्ण ताल हो । यस ताललाई स्यार्पु दह को नामले पनि चिन्ने गरिन्छ २.६ वर्गकिलोमिटर क्षेत्रफलमा फैलिएको छ । यस ताल नजिकै रहेको होमस्टेले पर्यटकहरु लाई झनै आकर्षित गरेको छ ।

(Photo: Panch Dev Bhatta)