0 स्क्याएर मीटर
0 अस्पताल
0 उद्योग
0 जनसंख्या
0 स्कुल

प्रदेश प्रमुखको कार्यालयको परिचय

पृष्ठभूमि: वि.सं. २०६२-०६३ मा भएको शान्तिपूर्ण जनआन्दोलनपछि जारी भएको अन्तरिम संविधान 2073 अनुरुप सम्पन्न संविधानसभाको पहिलो निर्वाचनपछि गठित संविधानसभाको पहिलो बैठकले २०६५ साल जेष्ठ १५ गते नेपाललाई लोकतान्त्रिक गणतन्त्रात्मक मुलुकको रुपमा स्थापना गर्‍यो । उक्त संविधानसभाबाट डा. रामबरण यादव गणतन्‍त्र नेपालको पहिलो राष्ट्रपति निर्वाचित हुनुभयो । वर्तमान सम्माननीय राष्ट्रपति विद्यादेवी भण्डारी संघीय गणतन्त्र नेपालको दोस्रो राष्ट्रपति एवम् नेपालको संविधान जारी भएपछिको पहिलो राष्ट्राध्यक्ष हुनुहुन्छ । नेपालको संविधान २०७२ ले राष्ट्रपतिलाई राष्ट्राध्यक्ष र संविधानको संरक्षक एवम् अभिभावकको रुपमा स्थापित गरेको छ । नेपालको संविधानको बमोजिम २०७४ सालमा राज्य संरचनाका तीनवटै तह (स्थानीय, प्रदेश र संघ) को निर्वाचन सम्पन्न भई तीनै तहमा सार्वभौम जनताको सरकार स्थापना भए पश्चात नेपालले हालको संघीय संरचना बमोजिम नेपालमा ७५३ वटा स्थानीय तह, ७ वटा प्रदेश र एक संघ भएको संघीय लोकतान्त्रिक राज्य व्यवस्था कार्यान्वयनमा छ । नेपालको संविधानको धारा १६३ मा प्रत्येक प्रदेशमा नेपाल सरकारको प्रतिनिधिको रुपमा एक जना प्रदेश प्रमुख रहने व्यवस्था गरेको छ । उक्त व्यवस्था अनुसार संविधानले प्रदत्त गरेको प्रदेश प्रमुखको काम, कर्तव्य र अधिकारलाई सहयोग गर्न निजामति सेवा प्रशासन समूहका सचिव (रा.प. प्रथम श्रेणी) को नेतृत्वमा प्रशासनिक काम कारबाही हुने गरी प्रदेश प्रमुखको कार्यालय रहने व्यवस्था छ ।

माननीय प्रदेश प्रमुख गोविन्दप्रसाद कलौनीज्यूबाट व्यक्त “२५६४ औं बुद्ध जयन्ती” को शुभकामना सन्देश

माननीय प्रदेश प्रमुख गोविन्दप्रसाद कलौनीज्यूबाट व्यक्त “२५६४ औं बुद्ध जयन्ती” को शुभकामना सन्देश

बौद्ध धर्मका प्रणेता, विश्व शान्तिका प्रतिमूर्ति गौतम बुद्धको २५६४ औं जन्म जयन्तीको अवसरमा विश्वभर फैलिएर रहनुभएका बौद्धधर्मि एवम् समस्त शान्तिप्रेमी महानुभावमा हार्दिक शुभकामना व्यक्त गर्दछु ।

कर्णाली प्रदेश सभाको पाँचौ अधिवेशन अन्त्य गरिएको अत्यन्त जरुरी सूचना !

कर्णाली प्रदेश सभाको पाँचौ अधिवेशन अन्त्य गरिएको अत्यन्त जरुरी सूचना !

नेपालको संविधानको धारा १८३ को उपधारा (२) बमोजिम माननीय प्रदेश प्रमुख गोविन्द प्रसाद कलौनीज्यूबाट प्रदेश सभा, कर्णाली प्रदेशको चालु पाँचौ अधिवेशन मिति २०७७ बैशाख ०५ गते शुक्रवार रातको १२:०० बजे देखि अन्त्य गर्ने निर्णय भएको हुँदा माननीय सदस्यज्यूहरु र सम्बन्धित सबैको जानकारीको लागि यो सूचना प्रकाशित गरिएको छ |

आज्ञाले,
ठाकुर प्रसाद सिग्देल 
सचिव

माननीय प्रदेश प्रमुख गोविन्दप्रसाद कलौनीज्यूबाट व्यक्त "नव वर्ष २०७७ साल"को शुभकामना सन्देश

माननीय प्रदेश प्रमुख गोविन्दप्रसाद कलौनीज्यूबाट व्यक्त “नव वर्ष २०७७ साल”को शुभकामना सन्देश

 

नव वर्ष २०७७ सालको सुखद् अवसरमा स्वदेश तथा विदेशमा रहनुभएका सम्पूर्ण नेपाली दिदीबहिनी तथा दाजुभाइहरूमा सुख, शान्ति, समृद्धि एवम् सुस्वास्थ्यका लागि हार्दिक शुभकामना व्यक्त गर्दछु ।